Qendërmbrojtësi i Barcelonës, Marc Bartra ka thënë se Luis Suarez është i mirëseardhur për t’u transferuar në Camp Nou.

Gjiganti katalan është në bisedime me Liverpoolin për blerjen e yllit uruguaian. Dhe, futbollistët e Barcelonës duket se mirëpresin ardhjen e Suarezit.

“Luis Suarez është futbollist i madh dhe nëse vjen do të jetë i mirëseardhur. Është një sulmues i kompletuar”, deklaroi Bartra për “Nikecamp”, ku po ashtu foli për përforcimet tashmë të konfirmuara të Barcelonës.

“Claudio Bravo e njeh mirë La Ligën, Ter Stegen është portier në zhvillim e sipër ndërsa Rakitic është futbollist shumë i kompletuar që do të adaptohet shpejtë”, u shpreh ai.

Në fund, Bartra i dërgoi një mesazh të mbështetjes për bashkëlojtarin e tij Neymar, i cili është lënduar dhe ka përfunduar para kohës Botërorin.

“Shpresojmë të rikuperohet sa më parë që është e mundur”.