Sterling, Rose e Delph ‘mbulojnë’ Prishtinën – ‘Mirësevini vëllezër’
Kosova po përgatitet për një pritje madhështore për Kombëtaren e Anglisë.
Sport
Kombëtarja angleze luan në ‘Fadil Vokrri’ më 14 nëntor, në ndeshjen e fundit të kampanjës kualifikuese drejt Euro 2020.
Para kësaj ndeshje, kosovarët po përgatiten t’u japin një pritje të ngrohtë anglezëve, të cilët në Çeki, Mal të Zi e Bullgari nuk kaluan siç është më së miri.
Një baner i madh, me fytyrat e Raheem Sterling, Danny Rose e Fabian Delph është vendosur në një objekt banesor në qendër të Prishtinës. Në baner shkruhet “Mirësevini vëllezër’, përcjell lajmi.net.
Sterling ka vuajtur nga fyerjet raciste në Bullgari e Podgoricë, dhe ishte shprehur se pritje të njëjtë pret në të gjitha vendet e Ballkanit.
Kosova duket se do t’i vërtetojë të kundërtën yllit të Manchester City. /Lajmi.net/