Statistika të COVID-19 në Kosovë, qytetet më të prekura dhe vdekjet për 1 milionë banorë

Numri i të infektuarve me COVID-19 në Kosovë ka arritur në 4,307. Prej tyre 94 kanë humbur jetën kurse të shëruar janë 2,095.

Lajme

10/07/2020 16:57

Deri më sot në Kosovë raste aktive me COVID-19 janë 2,118. Zëdhënësi i Ministrisë së Shëndetësisë, Faik Hoti ka publikuar disa statistika të shtrirjes së COVID-19 në Kosovë si dhe numrin e personelit shëndetësorë që janë prekur nga ky virus.

Bazuar në të dhënat e fundit nga IKSHPK-ja, top pesë komunat që momentalisht kanë numrin më të madh të të infektuarave janë Prishtina me 1220 raste pozitive ku prej tyre 879 janë ende aktive, Vushtrria me 397 raste gjithsejtë prej tyre 104 raste ende aktive, Prizreni me 378 raste të konfirmuara pozitiv me COVID-19 ku prej tyre 151 ende janë aktive, Ferizaj me 324 të konfirmuar pozitiv me 181 raste aktive dhe e pesa si komuna më e prekur radhitet Gjilani me 252 raste gjithsejtë ku prej tyre 103 janë ende aktive.

Sipas këtyre statistikave 222 infermierë janë të sëmurë në Institucionin Shëndetësorë, 160 mjekë të sëmurë po ashtu në Institucionin Shëndetësorë, 11 mjekë dhe 13 infermierë janë sëmurë jashtë institucionit shëndetësorë. Të prekur me COVID-19 janë edhe 8 farmacistë, 2 teknik të farmacisë dhe 2 fizoterapeut.

Në nivel rajoni Kosova renditet e katërta me numrin më të lartë të të infektuarve.

E para është Serbia me 17,342 raste, e dyta është Maqedonia e Veriut me 7,572 raste, e treta renditet Bosnja e Hercegovina me 6,086 raste dhe e katërta Kosova me 4,307 raste.

IKSHPK-ja dhe Ministria e Shëndetësisë vazhdimisht po bëjnë thirrje që qytetarët të kenë kujdes dhe të vazhdojnë të bartin maska, të respektojnë distancën sociale dhe të mbajnë higjienën.