Stadiumi i Sporting mund të emërohet ‘Cristiano Ronaldo’
Sporting Lisbona po konsideron mundësinë t’i bëjë një nder të madh yllit portugez, Cristiano Ronaldo.
Sport
Ronaldo, njëri nga lojtarët më të mirë në historinë e futbollit, karrierën e tij kishte nisur tek Sporting Lisbona, para se të kalonte tek Man United.
Portugezi arriti që ndërkohë të kalonte tek Real Madrid, e së fundmi tek Juventus, ku gjatë këtij rrugëtimi fitoi 5 ‘Topa të Artë’ e 5 Liga të Kampionëve.
Pas gjithë këtyre sukseseve, Sporting Lisbona po shqyrton mundësinë që stadiumin e tyre ta emërojnë sipas CR7, transmeton lajmi.net.
Rinovimi i ‘Estadio Jose Alvalade’ mund të bëjë që Cristiano Ronaldo të jetë emri i stadiumit të ri të Sporting.
Cristiano i ishte bashkuar Sportingut si një 12 vjeçar, në vitin 1997, ku edhe arrinte të depërtonte në skuadrën e parë, para se të tërhiqte vëmendjen e gjigantit evropian, Manchester United. /Lajmi.net/