Operacioni policor rezultoi me kapjen e 2,515 kilogramëve që kishin arritur në portin Algeciras – në jug të Spanjës, brenda një kontejneri përplot fruta ananasi nga Kostarika, thuhet në njoftimin e policisë.

Dy tonë e gjysmë të kokainës ishin fshehur në 2,296 pako të fshehura në mesin e frutave të anasit.

Nga fundi i muajit prill policisë spanjolle i arriti një informatë për ardhjen e tre kontejnerëve me ananas në portin Algeciras, ndër të cilët njëri do të mund të kishte sasi të madhe kokaine.

Gjashtë persona janë arrestuar në një paralagje jugore të Madridit, ku do të duhej të arrinte sasia e ananasi.

Në shkurt të vitit 2013, policia spanjolle kishte zbuluar në lindje të vendit mbi 4 tonë kokainë nga Kolumbia.