Kombëtarja e Spanjës ka shënuar fitore bindëse kundër Norvegjisë, në takimin e parë të fazës së grupeve në kualifikimet për Kampionatin Evropian “Euro 2024”.

“Furia e Kuqe” triumfoi bindshëm 3:0 kundër Norvegjisë në stadiumin “La Rosaleda” në Malaga, shkruan lajmi.net.

Dani Olmo hapi serinë e golave në minutën e 13-të, me asistimin e Baldes.

Spanja vazhdoi me epërsi të një goli deri në minutën e 84-të kur Joselu me dy gola të shpejt brenda dy minutave ngriti avantazhin e spanjollëve.

Spanjollët kanë tri pikë në pozitën e parë në Grupin A, njëjtë sa Skocia.

Spanja në Grupin A është me Skocinë, Gjeorgjinë, Norvegjinë dhe Qipron./Lajmi.net/