Sot, Superliga e Kosovës vjen me dy ndeshje, Drita-Besa dhe Llapi-Ballkani
Xhiro e 22-të në Superligën e Kosovës do sjellë dy ndeshje interesante.
Sport
Fjala bëhet për ndeshjet, Drita-Besa dhe Llapi-Ballkani, transmeton lajmi.net.
Drita do kërkojë të rikthehet në vendin e parë pas dy humbjeve rresht nga Prishtina dhe Trepça, gjilanasit gjenden në pozitën e tretë me 44 pikë.
Besa po vuan këtë sezon, ata gjenden në pozitën e fundit me shtatë pikë.
Në anën tjetër, Ballkani kërkon të ruajë kreun në një ndeshje në udhëtim ndaj KF Llapit, një skuadër tejet e papërshtatshme e cila ka bërë përforcime në afatin kalimtar dimëror.
Ballkani gjendet në pozitën e parë me 45 pikë, i ndjekur nga Prishtina me 44 dhe Drita 44.
KF Llapi gjendet në pozitën e tetë me 23 pikë, llapjanët e humbën ndeshjen e fundit ndaj Trepçës 89’./Lajmi.net/
Orari i ndeshjeve,
Drita – Besa, ora 13:00.
KF Llapi – FC Ballkani, ora 13:30