Sulmi ka ndodhur afër Elasha Biyaha, ka thënë Abdiqadir Mohamed Nor, guvernator në Shabellin e ulët të Somalisë, transmeton REL.

Personi që ka bërë sulmin vetëvrasës ka vendosur mjete shpërthyese në makinë, ngjitas një kolone të forcave të Bashkimit Afrikan, i cili ishte afër dy autobusëve, ka thënë një zyrtar policor, Hasan Ali.

Por pasi që është bërë  sulmi i parë, një tjetër bombë ka shpërthyer kur një sulmues i dytë vetëvrasës ka përplasur makinën e tij me një kolonë, brenda së cilës ishte Abdifatah Shaweye, komandanti i inteligjencës së Mogadishit.

Shaweye ka marrë ‘plagë të rënda’ ndërsa është dërguar për në spital në Mogadishu.

Njoftohet se në shpërthimin e dytë nuk ka pasur viktima civile.

Njoftohet se Al-Shabab ka marrë përgjegjësinë për sulmin.

Qeveria e Somalisë ka paralajmëruar gjatë vikendit se mund të ketë sulme të papritura pasi që është vrarë lideri i Al-Shabab, Ahmed Abdi Godane, nga forcat amerikane.