Trajneri norvegjez i Manchester United, Ole Gunnar Solskjaer, ka folur lidhur me aventurën e Man United në Ligën e Evropës.

Manchester United luan në çerekfinalet e këtij kompeticioni, ku përballjen e radhës do ta ketë kundër Copenhagen.

Solskjaer është optimist, megjithëse fton për kujdes. Kurse, një sukses të mundshëm në këtë kompeticion ai do ta shihte si suksesin më të madh në karrierën tij.

“Jam ambicioz – një nga ëndrrat e mia është të fitojë trofe si trajner i këtij klubi”, ka thënë Solskjaer, transmeton lajmi.net.

“Ia kam borxh karrierën këtij klubi, kështu që të fitoj diçka do të ishte momenti im më krenar në jetën e futbollit. Do të ishte arritja më e madhe”, ka shtuar norvegjezi.

“Ngritja e trofeut do të ishte momenti më i mirë i karrierës sime”, ka thënë mes tjerash trajneri i United.

Nëse Manchester United eliminon skuadrën e Copenhagen, në raundin tjetër, atë të gjysmëfinales, do të përballej me fituesin e çiftit Sevilla – Wolverhampton. /Lajmi.net/