Emri i Wesley Sneijder ka qenë gjithnjë i nxehtë në dy vjetët e fundit për Manchester Unitedin, por në fund nuk është bërë asgjë.

Tash, duket se gjërat janë më ndryshe, pasi është pikërisht mesfushori holandez ai i cili i është ofruar trajnerit të tij tek Holanda, Louis van Gaal, i cili do ta marrë në dorë ekipin nga Old Traffordi nga sezoni i ardhshëm.

“Jam i lumtur në Galatasaray, jam ambientuar mirë, por nëse do të arrinte një ofertë nga Van Gaal, do ta merrja në konsideratë”, deklaroi ish futbollisti i Ajaxit, Real Madridit dhe Interit.

“Thjeshtë, askush në Holandë nuk mund t’i thotë jo Van Gaalit. Ai tek ne është më shumë si një drejtor shkolle, jo të gjithë e kishin fatin të punonin në urdhrat e tij”, përfundoi Sneijder.