Kryetarja e këtij komiteti, Mira Rakacolli, bëri thirrje për zbatimin me rigorozitet të masave aktuale.

“Komiteti i ekspertëve mendon se niveli i masave shtrënguese do të mbetet i njëjtë. Komiteti tërheq vëmendjen për zbatimin e tyre me rigorozitet”.

Në mbledhjen e sotme është aprovuar edhe doza e tretë e vaksinës për personat mbi 60 vjeç.

“Komiteti ka marrë vendimin pas shqyrtimit të komitetit të vaksinimit. Në këtë situatë prioritet mbetet vaksinimi me dozën e parë, po ashtu komiteti ka vendosur që qytetarët mbi 60 vjeç të bëjnë dozën e tretë, jo më herët se gjashtë muaj pasi kanë bërë dozën e dytë duke filluar nga data 1 nëntor”.