Mediat serbe kanë bërë një skandal, pas vizitës që bëri Xherdan Shaqiri në Kosovës.

Uebfaqja “vesti-online.com” ka shkuar aq larg, sa që i ka ndërruar vendlindjen futbollistit gjilanas, i cili e përfaqëson Zvicrën dhe luan për Interin.

“Shaqiri e vizitoi vendin e tij, Serbinë”, ka qenë titulli i Vestit, i cili nuk është ndalur me kaq.

“Shaqiri ishte në Prishtinë, dy ditë më parë dhe ka thënë se ndihet shumë mirë në provincën serbe”, ka vazhduar kjo e përditshme serbe, transmeton Zëri.

Edhe pse Kosova ka shpallur Pavarësinë e saj qysh në vitin 2008, serbët ëndërrojnë ende se Kosova është pjesë e tyre…