Të premten ka përfunduar afati për aplikim nga qytetarët për konvertim të patentë shoferëve nga ata të lëshuar nga institucionet ilegale serbe në patentë shoferë zyrtar të Kosovës.

Deri në statistikat e fundit të së premtes  numri i qytetarëve që ka konvertuar patentë shoferët është 6.509, shkruan lajmi.net.

Në një përgjigje për lajmi.net zëvendësdrejtori i Policisë së Kosovës për rajonin e veriut, Veton Elshani, tha se qytetarët kanë marrë mesazhin, duke e respektuar vendimin për ndërrimin e patentë shoferëve.

Tutje ai theksojë që deri më tani nuk kanë hasur në ndonjë person që ka prezantuar para zyrtarëve policorë patentë shoferë ilegal.

“Nga e premtja ora 16:00 e tutje çështja e patentë t shoferëve është një proces policorë, dhe është në kompetencë të policisë me zbutu ligjin për kundërvajtje. Ne konsiderojmë që qytetarët kanë marr mesazhin janë duke e respektuar vendimin. Nëse një person ka patentë shofer ilegal tek ne konsiderohet që nuk ka fare patentë shofer. Kurse edhe gjobat vajojnë njëjtë sikur se për persona që s kanë patentë shoferë. Deri më tani nuk kemi has në persona që kanë prezantuar patentë shoferë ilegal, por edhe tani, edhe në të ardhmen normalisht do të veprojë ligji”.