“S’ka kohë për të humbur”, Lajçak e Reeker takohen një ditë pas mesazhit të SHBA-ve për dialogun
Emisari i BE-së për dialogun, Miroslav Lajçak është takuar me ushtruesin e detyrës së ndihmëssekretarit amerikan të Shtetit për Evropën dhe Euro-Azinë, Philip Reeker.
Lajme
Këtë Lajçak e ka bërë të ditur me anë të një postimi në Tëitter, teksa takimi në fjalë vjen vetëm një ditë pasi përfaqësuesi i SHBA-ve në OKB tha se për dialogun nuk ka shumë kohë për të humbur, shkruan lajmi.net.
Lexo edhe:
SHBA-të i çojnë mesazh Kurtit e Vuçiqit për dialogun: Ka shumë pak kohë për të humbur
Kisha një takim shumë të dobishëm me Phil Reeker, Ushtrues i Detyrës së Sekretarit të Shtetit për Çështjet Evropiane dhe Euroaziatike, këtë mëngjes. Gjithmonë mirë për të krahasuar shënimet, për të koordinuar dhe dakorduar mes SHBA-së dhe BE-së për aktivitetet e ardhshme në Ballkanin Perëndimor”, ka shkruar ai.
Takimi i Lajçak me Reeker vjen në një moment të ndjeshëm të ndërprerjes së procesit të dialogut mes Kosovës dhe Serbisë.
Kryeministri i ri i Kosovës, Albin Kurti ka nënvizuar se dialogu nuk është prioritet parësor i qeverisë së tij, teksa kjo ka shkaktuar edhe reagime në kampe të ndryshe që janë të përfshira në proces. /Lajmi.net/
Had a very useful meeting with Phil Reeker, Acting Assistant Secretary of State for European and Eurasian Affairs, this morning. Always good to compare notes, coordinate and agree on our ???? cooperation and future activities in the Western Balkans. pic.twitter.com/8YtyzwBGau
— Miroslav Lajčák (@MiroslavLajcak) April 14, 2021