E doni ose e urreni, Luis Suarez kaloi një vit larg nga të qetë në Liverpool, duhet të jemi të sinqertë. Uruguaiani e filloi vitin 2013 duke pranuar se simulon, kurse e përfundoi duke nënshkruar kontratë të re me klubin.

Ndërsa, në mes të këtyre u suspendua pas kafshimit ndaj mbrojtësit të Chelseas, Branislav Ivanovic. Oh, për pak të harrojmë, ai shënoi edhe një numër të konsiderueshëm të golave.

Këto janë ngjarjet kryesore që përcollën 12 muajt e fundit të Suarezit në Liverpool.

Janar

Suarez e shokoi botën (ose ndoshta edhe jo) duke pranuar se simulon për të fituar penallti. 26-vjeçari po ashtu spekulohej me transferim në Bayern Munich gjatë afatit kalimtar të janarit.

Suarez pranoi se simulon

Mars

Kapiteni i Liverpoolit, Steven Gerrard e përkrahu Suarezin për çmimin e futbollistit më të mirë të vitit në Premierligë.

Incidenti i parë i Suarezit më 2013 ndodhi kur ai goditi mbrojtësin e Kilit, Gonzalo Jara në paraqitje për Uruguain.

Prill

Suarez u detyrua të kërkoj falje pasi kafshoi mbrojtësin e Chelseas, Branislav Ivanovic.

Suarez e kafshoi Ivanovicin

Ai u suspenduar me 10 ndeshje moslojë dhe u vërshëllye në mbrëmjen e ndarjes së çmimit të futbollistit më të mirë të vitit në Premierligë.

Maj

Suarez zbuloi se dëshiron të largohet nga Liverpool. Lajmi bëri që tifozët e klubit t’ia djegin fanellat me emrin e tij.

Fanella e djegur e Suarezit

Korrik

Arsenali bëri lëvizjen e parë gjatë verës për Suarezin, por oferta prej 30 milionë eurosh u refuzua.

Gjiganti londinez po ashtu pati një tjetër ofertë prej 40 milionë e 1 një funte të refuzuar, duke besuar se me të do ta aktivizojnë dëmshpërblimin në kontratën e tij.

Suarez kërkohej nga Arsenali

Gusht

Tifozët e Liverpoolit dhe disa ish futbollistë i bënë thirrje klubit ta shiste uruguaianin.

Suarez në fund përjashtoi mundësinë e largimit nga Anfield gjatë verës.

Shtator

Suarez u rikthye nga suspendimi prej 10 ndeshjes kundër Manchester Unitedit në Capital One Cup.

Sulmuesi realizoi dy gola në rikthimin e tij në Premierligë kundër Sunderlandit.

Suarez shënoi dy herë kundër Sunderlandit

Tetor

Suarez u mundua të rikthejë përkrahjen e tifozëve duke prezantuar birin e tij 10-ditësh në Anfield Road.

Golat vazhduan për Suarezin i cili realizoi het-trik kundër West Hamit.

Nëntor

Suarez mbeti me gjurmë të thella pas një ndërhyrje të ashpër nga Kevin Mirallas në derbin e Merseyside kundër Evertonit.

Kevin Mirallas ndërhyri ashpër ndaj Suarezit

Dhjetor

Uruguaiani realizoi katër gola kundër Norwichit përfshirë një gol nga një distancë e jashtëzakonshme.

Suarez lavdëroi përkrahjen e tifozëve të Liverpoolit derisa nënshkroi kontratë të re afatgjate për katër vjet e gjysmë në Anfield Road.

Suarez duke nënshkruar kontratën