Sigurohen 27,500 kg miell për të gjitha familjet në asistencë sociale të Komunës së Drenasit
Donatorë vullnetmirë, biznese e asambleistë, kanë siguruar 27,500 kg miell, përkatësisht 25 kg miell për të gjitha familjet që janë me asistencë sociale të regjistruara në Qendrën për Punë Sociale në Komunën e Drenasit.
Lajme
Donatorët të cilët kanë siguruar 25 kg miell për të gjitha familjet e asistencës sociale janë;
“Fer Petrol” me 5000 kg, “Fatosi” SH.P.K me 5000kg, “Keramika” me 5000kg, “Reaal” SH.P.K me 5000kg, “Fontana Bar” me 5000kg dhe Qendrim Mulaj me 2500 kg.
Shpërndarja e miellit për familjet me asistencë sociale do të filloj nesër (08.04.2020) duke filluar nga ora 10:00, fillimisht në shkollën e fshatit Tërstenik për familjet e fshatrave sipas listës së bashkëngjitur këtij njoftimi, pastaj do të vazhdohet në vendbanimet tjera.
Shpërndarja e miellit do të jetë nën mbikëqyrjen e Komisionit Komunal ne bashkëpunim me administratorët e vendbanimeve dhe Komision Komunal do t’i kontaktoj administratorët për orën e ndarjes së miellit për familjet në asistencë sociale. /Lajmi.net/
