Sigal Prishtina do të ndeshet me Galil Gilboan në gjysmëfinale të Ligës Ballkanike.

Klubi nga kryeqyteti ka njoftuar se do të takohet me kampionin në fuqi, në duelin e parë të Final-Four. “Ju njoftojmë se BC Balkan është ekipi i fundit që i bashkohet grupit të ‪#‎FinalFour në BIBL pas fitores së tyre ndaj KK Teodo”.

“Sipas rregulloreve të BIBL-së, dy ekipe të të njëjtit shtet luajnë automatikisht mes veti në gjysmëfinale, që do të thotë që çiftet e gjysëmfinales janë: KB SIGAL Prishtina (Kosovë) – BC Galil Gilboa (Izrael) BC Levski (Bullgari) – BC Balkan (Bullgari)”, thuhet në njoftimin e Sigal Prishtinës.

Skuadra bardhekaltër humbi në udhëtim në Izrael, por fitoi ndeshjen në Prishtinë kundër Galil Gilboas.