Sipas njoftimit të policisë, shpërthimi ka ndodhur  si pasojë e  një bombole gazi  dhe ka  lëndime  në  njerëz. Menjëherë në vendngjarje, kanë mbërritur njëkohësisht shërbimet e Policisë, të ambulancës  nga Spitali i Pogradecit,  si  edhe  ato  të Zjarrfikëses.

Nga  veprimet e para, të kryera në vendngjarje,  rezulton se të dëmtuar në total, janë  24  persona. Nga të cilët:

14 shtetas, janë dërguar me ambulancë, në Spitalin e Traumës, në Tiranë, ku do të marrin atje  mjekim  të specializuar .

7 shtetas  ndodhen  në  Spitalin e Pogradecit  dhe

3 shtetas , po marrin  mjekim në Spitalin Rajonal të Korçës,  ku ndodhen jashtë rrezikut  për jetën.

Nga verifikimet  paraprake, rezulton se, në lokal përdoreshin dy bombola gazi. Njëra ka qenë në gjendje pune, e mbushur.  Ndërsa tjetra, ka qenë e plasaritur (dëmtuar) dhe për pasojë  ka  shkaktuar  rrjedhje gazi.  Njëkohësisht  në ambientet e  lokalit,  ka pasur një sobë zjarri, me dru.

Dyshohet se shpërthimi ka ndodhur, si rezultat  i  rrjedhjes së gazit, prej bombolës  së plasaritur.

Janë ngritur grupe pune, edhe nga Inspektorati Shtetëror Teknik, për të bërë verifikimet  përkatëse  për  kushtet  teknike, në këtë ambient.

Shtetasi  Dashamir Muçka (pronari) nuk ndodhej në lokal, kur ka ndodhur ngjarja. Mësohet se njëri nga djemtë e tij, shtetasi L.M, 16 vjeç, është dëmtuar dhe ndodhet në Spitalin e Pogradecit,  ku po merr mjekim.

Ndërsa në Komisariatin e Policisë të Pogradecit, po merren në pyetje, në lidhje me  rrethanat,  se si ka ndodhur  ngjarja, pronari së bashku  me familjarët e tij.  Grupi  hetimor  po  punon, për  dokumentimin e plotë  të kësaj  ngjarjes./shekulli