Sporti anë e mbanë botës është paralizuar, me shumë kampionate që tashmë janë ndërprerë, si dhe kualifikueset e CONCACAF e ato të CAF janë suspenduar.

Së fundmi, lidhur me situatën ka reaguar edhe shtëpia më e madhe e futbollit në botë, FIFA.

Propozimi i FIFA është që të gjitha ndeshjet internacionale të planifkuara për mars dhe prill, të shtyhen për kohë të pacaktuar, përcjell lajmi.net.

Ky propozim ka ardhur përmes komunikatës që FIFA ka lëshuar në faqen e saj zyrtare.

FIFA statement: https://t.co/mtDACN5fsO pic.twitter.com/fWnfp8NT2d

— FIFA Media (@fifamedia) March 13, 2020

Kjo do të thotë se edhe ndeshja mes Maqedonisë Veriore e Kosovës, e planifikuar për 26 mars me shumë gjasë do të shtyhet.

Mbetet të shihet nëse ky propozim do të fuqizohet dhe të zyrtarizohet. /Lajmi.net/