Shqyrtimet që pritet të bëhen në mbledhjet e dy komisioneve parlamentare

Lajme

22/11/2022 08:22

Dy komisione parlamentare do të zhvillojnë sot mbledhjet e radhës në Kuvendin e Kosovës.

Komisioni për Ekonomi dhe ai për Administratë Publike, transmeton lajmi.net.

Mbledhja e Komisionit për Ekonomi do të fillojë nga ora 11:00, ndërsa ajo e Komisionit për Administratë Publike në ora 12:00.

Njoftimet në lidhje me këto mbledhje:

Komisioni për Ekonomi, Industri, Ndërmarrësi dhe Tregti diskuton me auditor të Zyrës Kombëtare të Auditimit (ZKA) lidhur me auditimin “Ndikimi i investimeve kapitale në zvogëlimin e humbjeve të ujit dhe përmirësimin e shërbimeve në KRU-të”. (Ndërtesa e Kuvendit, salla N10, ora 11:00)

Komisioni për Administratë Publike, Pushtet Lokal, Media dhe Zhvillim Rajonal shqyrton Raportin vjetor të Statistikave Zyrtare, për vitin 2021. (Ndërtesa e Kuvendit, salla N303, ora 12:00)./Lajmi.net/