Pjesa e parë ishte e ekuilibruar me një epërsi të lehtë të kuqezinjve në qarkullimin e topit, por mungonte forca goditëse drejt portës. Mungesa e një sulmuesi shtatlartë ka bërë që aksionet nga krahët ishin pa finalizim.

Në pjesën e dytë, Bushi e kishte spostuar skuadrën më lartë dhe loja e Ndojit në mesfushë ishte e shkëlqyer. Për shumë minuta kuqezinjtë dominuan duke e mbyllur në portë Irlandën. Shpresat e Shqipërisë arritën të gjejnë golin në minutën e 83. Futbollisti, i cili aktivizohet te Vejle në Danimarkë ishte autor i golit dhe festës që zgjati pak minuta.

21-vjeçarët e Irlandës së Veriut reaguan dhe në minutën e 89 gjetën golin e barazimit, duke e vulosur në 1-1 rezultatin e këtij takimi.