Shqipëria dhe aksidentet e saj ajrore më tragjike (FOTO)

22:30 | 6 Prill 2016

Helikopter i rrezuar ne Shqiperi

Për fat të mirë Shqipëria nuk ka të regjistruar deri tani një aksident të rëndë të aviacionit civil. Aksidentet tragjike janë shënuar vetëm në ato ushtarak.

Ngjarja më e rëndë është padyshim ajo e 22 nëntorit 1989, kur dy helikopterë të bazës së Farkës, u përplasën njëri pas tjetrit në malin e Llogarasë. Bilanci: 21 të vdekur. Mes viktimave stafi ushtarak i helikopterëve, mjekë të nisur për të dhënë ndihmën e parë për një aksident me autobus dhe studentë e profesorë.

1

Një tjetër aksident i rëndë, ka qenë ai i 17 korrikut 2006, ku humbi jetën politikani Gramoz Pashko. Helikopteri Bell 222 u nis nga Tirana të dërgonte Pashkon në Itali pas një incidenti në plazh. Humbën jetën vetë Pashko, i biri, 2 mjekë dhe 2 pilotë.

3

Në 26 gusht 2014 në zonën e Dukagjinit një helikopter BO 145 i Ministrisë së Brendshme, u rrëzua në këtë zonë, pasi u qëllua nga kultivuesit e lëndëve narkotike. Nuk pati persona të lënduar.

Aksidenti i 6 prillit 2016 në zonën e Shkodrës është i katërti me helikopterë të rrëzuar.

4

Aksidentet e tjera u përkasin avionëve ushtarakë. Në vitin 1999, një “charter” i Kombeve të Bashkuara i nisur nga Rinasi u rrëzua ne Malet e Sharrit në Prizren.

 

Më 16 shtator 2004, piloti i vjetër Jani Tarifa u shkëput nga toka me avionin Mig-19 për një mision stërvitor, por pa kaluar shumë minuta nga shkëputja me bazën,  ai u rrëzua. Avioni ra pranë  Aeroportit të Rinasit duke shënuar një nga aksidentet ajrore ushtarake në vend që shkaktoi gjithashtu  edhe diskutime për kontrollin teknik të tyre dhe solli uljen e tyre në tokë në mënyrë përfundimtare.

6

Shtatë muaj pas kësaj ngjarjeje, një tjetër aksident ajror ndodhi në malet e Gramshit.  31 mars 2005, duke gdhirë 1 prilli,  avioni ushtarak Hercules-130 u ngrit në fluturim stërvitor nga Rinasi. Kushtet e vështira të motit, por edhe fakti se avioni fluturonte afër tokës u thanë se ishin shkaqet që përplasën avionin ushtarak në malet e Gramshit. Në bordin e tij ndodheshin 9 ushtarakë amerikanë të cilët humbën jetën të gjithë.