Shorti për garën më prestigjiozë në botë do mbahet nesër me fillim nga ora 18:00 në Stamboll, shkruan lajmi.net.

Ja gjithçka që duhet të dini për këtë short:

Kush është në hedhje të shortit?

Janë 26 skuadra që janë kualifikuar automatikisht, derisa gjashtë të tjera do vijnë nga ‘play-off’.

Spanja ka pesë kualifikues, katër nga pozitat e para në La Liga, plus Villarreal që fitoi Ligën e Evropës.

Spanjë: Atletico Madrid, Real Madrid, Barcelona, Sevilla Villarreal

Angli: Manchester City, Manchester United, Liverpool, Chelsea

Gjermani: Bayern Munich, RB Leipzig, Borussia Dortmund, Wolfsburg

Itali: Inter Milan, AC Milan, Atalanta, Juventus

Francë: Lille, Paris St-Germain

Portugali: Sporting Lisbon, Porto, Benfica

Rusi: Zenit St Petersburg

Belgjikë: Club Brugge

Ukrainë: Dynamo Kyiv

Holandë: Ajax

Turqi: Besiktas

Zvicër: Young Boys

Suedi: Malmo

Plus tre emrat e tjerë që do mësohen sonte pas ndeshjeve kthyese.

Si do ndahen skuadrat në vazo?

Skuadrat do ndahen në katër vazo, me vazon e parë që ka Chelsean dhe Villarrealin.

Skuadrat e tjera përpos këtyre dyjave janë kampionët e gjashtë ligave në edicionin e kaluar: Manchester City, Atletico Madrid, Inter, Bayern, Lille, Sporting Lisbon.

Vazot e dyta, treta dhe katërta ndërtohen nga koeficienti i UEFA-së.

Si realizohet shorti?

Në këtë fazë, nuk lejohen që klubet nga i njëjti vend të përballen. Si për shembull, Manchester City nuk mundet të përballet me klubet e tjera angleze.

32 skuadrat do vendosen në tetë grupe nga katër ekipe secili.

Kur do nisin ndeshjet e fazës grupore?

Ndeshja e parë: 14/15 shtator

Ndeshja e dytë: 28/29 shtator

Ndeshja e tretë: 19/20 tetor

Ndeshja e katërt 2/3 nëntor

Ndeshja e pestë: 23/24 nëntor

Ndeshja e gjashtë: 7/8 dhjetor

Si funksionon kjo garë?

Dy skuadrat e para në grupe do avancojnë në fazën e 1/16.

Pozitat e treta në grupe do bien në Ligën e Evropës në fazën 1/16, ku do përballen me skuadrat që kualifikohen nga Liga e Evropës.

Këtë vit finalja e Ligës së Kampionëve do zhvillohet në Rusi, më saktësisht në “St Petersburg Stadium” më 28 maj 2021./Lajmi.net/