Rubin Kazani është mposhtur me penallti nga Rostovi ditën e djeshme, në ndeshjen e vlefshme për Kupën e Rusisë.

Skuadra e Rostovit ka gjetur e para rrugën e rrjetës. Ignatovi zhbllokoi shifrat në minutën e 27, ndërsa në të 49-n Apshatsevi ktheu sërish baraspeshën.

Rrugën e rrjetës e gjeti edhe Mirlind Daku, i cili pasi shmangu dy mbrojtës në zonën kundërshtare, e dërgoi topin pas shpinës së portierit. Por anësori i anulloi festën.

Arbitri sinjalizoi për pozicion jashtë loje, duke i hequr kështu Dakut golin që do i sillte edhe fitoren skuadrës së tij./Lajmi.net/