Ndërsa në karantinë janë vendosur 3500 persona. Sindroma prek rrugët e frymëmarrjes dhe ka një përqindje vdekshmërie prej 36 për qind. Zëvendëskryemnistri i vendit u bëri apel qytetarëve të mos alarmohen por të vazhdojnë jetën e tyre normalisht, raportojnë mediet ndërkombëtare.

Janë 24 spitalet ku janë shtruar pacientët e prekur nga ky virus që transmetohet nëpërmjet kontaktit të drejtpërdrejtë dhe jo nëpërmjet ajrit. Autoritetet shëndetësore në vend janë në qendër të kritikave për shkak të reagimit të vonuar dhe mungesës së transparencës në përballimin e epidemisë.