Shkaku i tërmetit, nesër nuk mbahet mësim në Tiranë, Durrës dhe Elbasan

Ministrja e Arsimit në Shqipëri, Besa Shahini, ka bërë të ditur se nesër nuk do të mbahet mësimi në tri qytete.

Lajme

22/09/2019 19:55

Përmes një deklarate për shtyp, ministrja e Arsimit, Besa Shahini deklaroi se dita e nesërme do të jetë pushim për shkollat në Tiranë, Durrës dhe Elbasan.

“Kam qenë në komunikim të drejtpërdrejtë me të gjithë drejtuesit e të gjithë shkollave dhe që dje nuk kemi nxënës dhe mësues të lënduar. E përqendruam në zonët më të prekura nga tërmeti, sot kemi vetëm 2 shkolla që janë raportuar në gjendje jo të sigurta, një qendër Bërxullë që do sillen në shkollën qendër. Një tjetër në periferi të Tiranës. Në total janë 98 shkolla që kanë pësuar dëmtime si plasaritje fasadash, pjesa më e madhe është pastruar”, u shpreh Shahini, raporton TCH.