Shaqiri poston foto në Instagram, ylli i Kosovës i lë një koment epik
Skuadra e Liverpoolit është në Marbella të Spanjës, aty ku po përgatiten intensivisht për finalen e Ligës së Kampionëve që luhet më 1 qershor ndaj Tottenham.
Sport
Për shkak të temperaturave konstante të nxehta, Jurgen Klopp vendosi që stërvitjen para finales t’i mbanin në gadishullin iberik.
Ylli zvicerian i kësaj skuadre, Xherdan Shaqiri postoi sot një foto nga stërvitja, por ajo çka e bën edhe më të veçantë është komenti i prurjes më të rë të Kosovës, Florent Hadërgjonajt, shkruan lajmi.net.
“Ekip fitues”, ka shkruar Shaqiri në përshkrimin e fotos, aty ku shihet me bashkëlojtarët e tij, Dejan Lovren, Divock Origi, Trent Alexander-Arnold, Simon Mignolet e Jordan Henderson.
“Kurrë mos ia ndal ushtrimeve të këmbës”, ka shkruar në gjuhën angleze Hadërgjonaj, duke e komentuar pamjen e Shaqirit, ku këmbët e tij duken si gjithnjë tejet të zhvilluara dhe muskuloze.
Kujtojmë se Shaqiri dhe Hadërgjonajt kanë luajtur së bashku te moshat e Zvicrës. /Lajmi.net/