Xherdan Shaqiri ka bërë ‘bum’ në Brazil. Tregolëshi ndaj Hondurasit e ka ngritur në qiell mesfushorin kosovar, i cili po e përfaqëson Zvicrën në Botëror.

Ylli i Zvicrës gjendet në ekipin ideal të fazës së grupeve, të publikuar nga FIFA. 22 vjeçari e ka marrë notën 9.59, nga 10, sa ishte maksimumi.

Çuditërisht, në ekipin ideal të FIFA-s nuk i shohim Lionel Messin, Thomas Mullerin dhe Neymarin, që kanë shkëlqyer me përfaqësueset e tyre deri në këtë periudhë.