Xherdan Shaqiri rikthehet në Gjermani, por kësaj radhe si kundërshtar.

Ish mesfushori i Bayern Munichut, përforcim i ri i Interit është i gatshëm për duelin me Wolfsburgun në Europa League, të enjten.

“Personalisht, kujtimet e mija në këtë stadium janë të mira, me Bayernin kam fituar këtu”, deklaroi ai në konferencë për shtyp.

“Wolfsburg është i kompletuar, është duke luajtur mirë dhe shpeshherë fiton. Na presin dy ndeshje të komplikuara. Por, ne duam të arrijmë rezultat pozitiv, njësoj sikurse kundër Celticut, dhe të vazhdojmë rrugëtimin tonë”, u shpreh ai.