Anëtarë të Këshillit të Sindikatës të Fabrikës ‘Lola Fot’ në Leshak, kanë paralajmëruar të hënën dhe të martën bllokadë të magjistrales Rashkë-Mitrovicë, përkatësisht në Jarinjë, nga ora 12:00 deri në 14:00.

Sipas anëtarëve të Këshillit, bllokada dyorëshe do të zgjasë dy ditë, dhe nëse deri atëherë nuk zgjidhet problemi i tyre, bllokada do të jetë 24-orëshe.

Arsyeja e një vendimi të tillë për bllokadë të rrugës nga ana e këtyre punëtorëve është mosmarrja e pagave të tyre për disa muaj.

Ndryshe,  bllokada që ka qenë e paraparë të ndodhë sot në mesditë, është shtyrë për nesër, meqë njerëz nga Beogradi nuk kanë mundur t’i vizitojnë këta punëtorë sot.

(Kosovapress)