Selmanaj: Partitë në pushtet provuan të na pengojnë për rastin e gylenistëve
Deputeti i LDK-së, Driton Selmanaj, njëherit anëtar i Komisionit Hetimor Parlamentar në lidhje me ndriçimin e rastit të dëbimit të gjashtë shtetasve turq më datë 29 mars 2018, ka akuzuar partitë në pushtet për pengimin e përpjekjeve për zbardhjen e rastit.
Lajme
“Partitë në pushtet provuan të na pengojnë për rastin e të ashtuquajturve gylenistë” ka deklaruar Selmanaj për televizionin T7.
Ai po ashtu ka thënë se ambasadat perëndimore në Kosovë “shqetësohen për kapjen e shtetit nga politika”.
Ai i është referuar qortimeve ndaj Kosovës nga ambasada amerikane, ajo britanike dhe ajo gjermane, për rastin e gylenistëve.
