Një goditje e re në shtëpinë e Bayern Munichut.

Sipas të përditshmes sportive italiane “Tuttosport”, karriera e mesfushorit Bastian Schweinsteiger është në rrezik për shkak të një problemi kronik në gju.

Dhe, në ditët e ardhshme do të merret vendimi nëse ylli gjerman do t’i nënshtrohet operacionit për të përjashtuar mundësinë e ndonjë frakture.

Ndërsa, trajneri i Bayern Munichut, Pep Guardiola do të intensifikojë kërkimin për një mesfushor të ri pasi pas Javi Martinezit – i cili nuk do të rikuperohet deri në vitin e ardhshëm – rrezikon të humb gjatë edhe Schweinsteigerin.

Sipas “Tuttosport”, Guardiola mund të ringjallë interesimin e Bayernit për mesfushorin e Juventusit, Arturo Vidal.