Salah barazon rekordin e legjendës Gerrard në klub
Liverpool mposhti me rezultat solid 2-0 skuadrën e Portos të mërkurën mbrëma, për të fituar të gjitha pesë ndeshjet e para të fazës grupore në Ligën e Kampionëve për sezonin 2021-22.
Sport
“Të Kuqtë” triumfuan me golat e Thiago Alcantaras i cili i dha epërsinë fillestare klubit në minutën e 52-të me një goditje teknike të përsosur nga distanca, gjersa epërsinë e dyfishoi sulmuesi Mohamed Salah i cili gjithashtu realizoi një gol të bukur në minutën e 70-të nga një asistim i Henderson.
Me golin e realizuar ndaj Portos, Mohamed Salah tani ka barazuar rekordin e legjendës Steven Gerrard.
Most Champions League goals scored for Liverpool at Anfield:
◎ 14 – Steven Gerrard
◉ 14 – Mohamed SalahLFC legends. #UCL pic.twitter.com/RG864kgM2D
— Squawka Football (@Squawka) November 24, 2021
Salah tani ka realizuar 14 gola në Ligën e Kampionëve për Liverpoolin në Anfield, duke e barazuar rekordin e Steven Gerrard.
Egjiptiani është afër edhe një rekordi tjetër me Liverpoolin, kur ai ka realizuar 31 gola për Liverpoolin në total në Ligën e Kampionëve.
29-vjeçari është gjashtë gola larg thyerjes së rekordit që e mbajnë Sergio Aguero dhe Didier Drogba për lojtarët me më së shumti gola të realizuar në Ligën e Kampionëve për një klub anglez.
Most #UCL goals scored for an English club in Champions League history:
? Sergio Agüero (36)
? Didier Drogba (36)
? Thierry Henry (35)
? Ruud van Nistelrooy (35)
? Mohamed Salah (31)
? Wayne Rooney (30)Mo is looking to rewrite the record books… again. #UCL pic.twitter.com/LHEvZdN9Zt
— William Hill (@WilliamHill) November 24, 2021
Ndryshe, Salah ka realizuar 17 gola në 17 paraqitje në të gjitha garat këtë sezon me “Të Kuqtë”, duke regjistruar edhe shtatë asistime të tjera. /Lajmi.net/