Kombëtarja e Turqisë ka marrë tre pikë të plota nga përballja në ‘Loro Boriçi’ ndaj Shqipërisë, në ndeshjen e parë kualifikuese për Euro 2020.

“Nuk isha që nga minuta e parë për shkak të një kontraktimi të pësuar në stërvitje me kombëtaren. Kur kam ardhur isha shumë mirë, por pas kontraktimit nuk isha më në 100%. Isha titullar në prova, por u desh ta nisja si zëvendësues nga pankina”, tregon Sadiku.

“Mungon shpirti i grupit. Ne jemi ekipi i vogël ndaj duhet që rastet ti shfrytëzojmë dhe shndërrojmë në gol. Vetëm kështu mund të ngrihemi si ekip. Ne nuk shënuam ndërsa kundërshtari e bëri duke përfituar nga gabimet tona”, përfundoi Sadiku.

Ndeshja e radhës e Shqipërisë është ajo në udhëtim kundër Andorrës./Lajmi.net/