Rubla javën e kaluar sharroi në nivelin më të ulët për arsye të rënies së  çmimit naftës, që paraqet themelin e ekonomisë ruse, si dhe sanksioneve të Perëndimit për shkak të krizës në Ukrainë, me të cilat kompanive ruse u është ndaluar qasja në tregun perëndimor të kapitalit.

Mirëpo, në ndërkohë valuta ruse u përmirësua dhe ktheu një pjesë të vlerës së humbur, pas vendimeve të autoriteteve ruse për të ndalur rënien e rublës dhe për të ulur inflacionin.  

Në mesin e masave të ndërmarra janë edhe ajo për ngritjen e normës së interesit nga 10.5 në 17 për qind, kufizimi i eksportit të drithërave, si dhe masat e kontrollit të kapitalit.

“Norma e interesit u rrit për të stabilizuar gjendjen në tregun valutor… Sipas mendimi tonë, kjo periudhë ka kaluar. Rubla tash po forcohet”, ju tha të enjten ministri i Financave, Anton Siluanov deputetëve të dhomës së lartë të parlamentit rus, për të shtuar se normat e interesit do të ulen në qoftë se gjendja mbetet stabile.