Ai u ndalua në kufirin Kosovë-Maqedoni pasi ndaj tij Serbia kishte lëshuar urdhër arrest ndërkombëtar kinse për krime lufte. Për të folur më shumë në lidhje me këtë rast, sonte në emisionin “Kontakt”  i ftuar ka qenë vëllai i Gafurrit, Iliri.

Ai ka thënë se Gafurri nuk e ka ditur që ndaj tij Serbia ka lëshuar një urdhërarrest të tillë sepse ai disa herë kishte udhëtuar për Maqedoni dhe vende të tjera të BE-së, por që asnjëherë nuk ishte ndaluar nga askush, aq më pak për krime lufte.

Vëllai i Gafurrit nuk ka mundur të shkojë për vizitë në Shkup, sepse edhe ai frikohet se mund të bie në pranga të policisë, sepse edhe sikurse Gafurri edhe ai ka qenë pjesëtar i UÇK-së.

Ai i ka bërë thirrje institucioneve kosovare që të merren më shumë me listat e Interpolit sepse mund të ketë edhe raste të tjera të arrestimit të ish-pjesëtarëve të UÇK-së.

Ilir Dugolli ka thënë se do të vazhdojnë të protestojnë deri në lirimin e vëllait të tij nga paraburgimi./GazetaTribuna