Rrebesh shiu në shumë rajone të Kosovës, Peja preket edhe nga breshëri

Janë publikuar disa video në rrjetet sociale.

Lajme

25/08/2019 22:54

Pas temperaturave tropikale që mbizotëruan për javë të tëra në Kosovë, sot në rajone të ndryshme të Kosovës e kryesisht në Dukagjin, ka pasur rrebesh shiu siç ishte rasti i Istogut dhe në Pejë, që së fundmi raportohet se është kapluar edhe nga breshëri.

E videot e ndryshme që po qarkullojnë në internet tregojnë më së miri për gjendjen aktuale në këto qytete, ku rrugët duket se janë të mbuluara nga uji dhe breshëri.

Moti i ngjashëm pothuajse është duke mbretëruar edhe në Drenicë ku bubullimat nuk kanë të ndalur.

Se për çfarë bëhet fjalë ju ftojmë t’i shikoni videot e publikuara më poshtë, që e dëshmojnë më së miri gjendjen aktuale në qytetet e Kosovës.

Kujtojmë se sipas Institutit Hidrometeorologjik të Kosovës, gjatë javës së ardhshme temperaturat priten të bien paksa në tërë Kosovën, madje në zona të caktuara gjatë të hënës dhe të martës do të ketë reshje lokale shiu.