Në një video, që e ka siguruar Klan Kosova, shihen pjesëtarët e sigurimit të mbarëvajtjes së asaj ngjarje dhe banorët e fshatit Uglarë, duke rrahur tre motoristë, që besohet se vinin nga Prishtina.

Rastin e ka konfirmuar edhe policia, duke thënë se katër persona kanë pësuar lëndime trupore, për çka janë dërguar me ambulancë në spitalin rajonal.

Zëdhënësi, Daut Hoxha tha se çështja është duke u hetuar nga organet e rendit dhe në konsultim me prokurorin do të ndërmerren veprimet e caktuara. Deri tani nuk ka të arrestuar, raporton Klan Kosova.