Ronaldo s’pajtohet assesi që s’iu pranua goli – ankohet te njëri nga zyrtarët
Cristiano Ronaldo ishte sërish protagonist në ndeshjen e mbrëmshme ku Portugalia fitoi ndaj Uruguajit. Lojtari mendoi se arriti të shënonte golin e parë të sfidës, por ajo iu numërua bashkëlojtarit të tij, Bruno Fernandes. Ndonëse u zgjat shumë për ta pasur një kontakt me topin, sipas FIFA-s, lojtari nuk ishte autori i golit, transmeton lajmi.net.…
Sport
Cristiano Ronaldo ishte sërish protagonist në ndeshjen e mbrëmshme ku Portugalia fitoi ndaj Uruguajit.
Lojtari mendoi se arriti të shënonte golin e parë të sfidës, por ajo iu numërua bashkëlojtarit të tij, Bruno Fernandes.
Ndonëse u zgjat shumë për ta pasur një kontakt me topin, sipas FIFA-s, lojtari nuk ishte autori i golit, transmeton lajmi.net.
Këtë fakt duket se nuk e mori aq mirë pesë herë fituesi i “Topit të Artë”.
Në një video të publikuar shihet teksa ankohet te njëri nga zyrtarët e FIFA-s, duke i thënë se e lëmoi topin me kokë.
Gjithsesi, kjo ankesë e tij e momentit, duket se hasi në veshë të shurdhër.
Si përfundim, Ronaldo doli pa gol nga sfida. /Lajmi.net/