Ronaldo ‘’përleshet’’ me policinë në fushë

Juventus ateroi ditë më parë në shtetin e Kinës për turin para-sezonal.

Sport

23/07/2019 22:13

Nesër në mesditë, ‘Zonja e Vjetër’ luan ndeshjen e radhës miqësore, ku do të përballet me Interin.

Juve është duke zhvilluar stërvitjet në Azi, por në të fundit ka ndodhur një moment interesant që është bërë viral në internet, transmeton lajmi.net.

Një tifoz u fut në fushë, mirëpo trupat e shumtë policor nuk e lejuan të afrohet te lojtarët e ‘Bianconerëve’.

Ndërkohë veprimi i Ronaldos ishte tejet qesharak, pasi ylli portugez iu hodh në shpinë njërit nga policëve në formë shakaje.

Megjithatë, me të kuptuar që ishte Ronaldo policët e morën me sportivitet.

Bashkëlojtarët e 34-vjeçarit më pas ia plas të qeshurës, ndërsa stërvitja vazhdoi të zhvillohej në normalitet. /Lajmi.net/