Afati kalimtar i verës është mbyllur por emri i Cristiano Ronaldos vazhdon të jetë i shumëpërmendur rreth largimit të tij nga Real Madrid.

Ylli portugez ka shprehur publikisht dashurinë e tij për ish skuadrën, Manchester United, dhe pranoi se në të ardhmen do t’i pëlqente të rikthehej në Old Trafford.

Kjo ka bërë që të qarkullojnë spekulime të shumta rreth largimit të tij nga Santiago Bernabeu. Por, gjiganti spanjoll ka vendosur që të sqarojë gjithçka.

Sipas të përditshmes britanike “The Independent”, Real Madrid së shpejti do të publikojë një komunikatë zyrtare për të theksuar se Ronaldo nuk është në shitje. 

Cristiano Ronaldo nuk do të largohet nga Real Madrid, në fund të këtij sezoni.

Ylli portugez ka hedhur dyshime mbi të ardhmen e tij në Santiago Bernabeu duke shprehur së fundmi dashurinë e tij për ish klubin, Manchester United. Ai po ashtu theksoi se dëshiron që një ditë të rikthehet në Old Trafford.

Por, kjo nuk do të thotë se Los Blancos planifikojnë ta shesin në të ardhmen e afërt. “Reali nuk dëshiron të shesë Ronaldon dhe nuk do të lejojë largimin e tij, kudo tjetër. Ai është futbollist shumë i rëndësishëm për t’u lejuar të largohet”, deklaroi një burim i afërt me Los Blancos, për mediat spanjolle.