Ronaldo nuk e festoi golin e Ramosit

Goli nga Sergio Ramos e shpëtoi Real Madridin nga disfata në finalen e Ligës së Kampionëve. Por, çuditërisht, atë nuk e festoi bashkëlojtari i tij, Cristiano Ronaldo.

Sport

28/05/2014 10:41

E pabesueshme por e vërtetë.

Sergio Ramos e shpëtoi Real Madridin nga humbja në finalen e Ligës së Kampionëve kundër Atletico Madridit, kur shënoi me kokë në minutat shtesë të ndeshjes, duke e dërguar ballafaqimin në vazhdime.

Mirëpo, goli i mbrojtësit spanjoll nuk duket se u ‘mirëprit’ nga bashkëlojtari i tij, Cristiano Ronaldo.

Derisa komplet skuadra, përfshirë futbollistët rezervistë vrapuan për të festuar me Ramosin, Ronaldo e mori topin në rrjetë, e goditi në ajër dhe i vetëm filloi të ecte drejt mesit të fushës.

Pamjet e publikuara nuk lejnë hapësirë për dyshime. Arsyet e reagimit të Ronaldos nuk janë të qarta.

Mirëpo, sidoqoftë Ronaldo në fund festoi, për golin e tij që vulosi rezultatin përfundimtar 4:1, dhe triumfin e titullit të dhjetë, jubilar, në Ligën e Kampionëve.