Real Madrid e kreu detyrën. Los Blancos fituan 2:0 dhe në udhëtim te Osasuna dhe e përsëritën rezultatin e ballafaqimit të parë në Santiago Bernabeu duke kaluar në çerekfinale të Copa del Rey.

Cristiano Ronaldo e festoi Topin e Artë 2013 me gol. Ylli portugez e kaloi Realin në epërsi në minutën e 22’të kur shënoi nga goditja e lirë.

Kurse, golin tjetër për gjigantin madrilen e realizoi argjentinasi i shumëpërfolur së fundmi, Angel Di Maria pas pak më pak se një ore lojë.

Skuadra e trajnerit Carlo Ancelotti e la me kaq dhe siguroi kualifikimin në çerekfinale të Coppa del Rey falë triumfit me rezultat të përgjithshëm 4:0.

I vetmi lajm i keq nga kjo përballje për Real Madridin ishte përjashtimi i mbrojtësit Fabio Coentraon me kartonin e dytë të verdhë, në minutën e 85’të.