Ronaldo flet për mundësinë e fitimit të ‘Topit të Artë’

19:00 | 11 Shtator 2019

Pasi shënoi katër gola në fitoren 5-1 të Portugalisë ndaj Lituanisë, Cristiano Ronaldo u pyet për shanset e tij për të fituar ‘Topin e Artë’.

Ai tashmë është i nominuar në treshen e fundit të FIFA’s The Best, por ka insistuar se nuk po mendon për çmime të tilla tani.

“Siç them gjithmonë, nuk e jetoj futbollin duke menduar për çmime individuale”, tha ai pas fitores të së martës në mbrëmje, transmeton lajmi.net.

“Kjo vjen si rezultat i asaj që fitohet kolektivisht”.

“Por është mirë, nuk do të gënjej”, potencoi 34-vjeçari. /Lajmi.net/