Statistikat tregojnë se Cristiano Ronaldo është futbollisti që paraqet kërcënimin kryesor për Atletico Madrid.

Para ballafaqimit të Real Madridit me rivalin e qytetit, sonte në kuadër të ndeshjes së parë të Superkupës së Spanjës në Santiago Bernabeu, ajo që bie në sy është bilanci i jashtëzakonshëm i Ronaldos në duele kundër Atleticos.

Numri 7 i Los Blancos ka realizuar 13 gola në 14 derbi kundër Atletico Madridit.

Sonte me fillim nga ora 23, Ronaldo, i ndihmuar nga Gareth Bale, James Rodriguez, Karim Benzema e yjet e tjerë të gjigantit madrilen do të mundohet të udhëheq skuadrën e tij drejt fitores, dhe atë duke shënuar sërish kundër Atleticos.