Ylli i Ajax është një nga talentët më të kërkuar në futbollin botëror pas një sezoni të jashtëzakonshëm në të cilin ai ndihmoi klubin e tij deri në gjysmëfinale të Ligës së Kampionëve.

Disa nga klubet elitare të Evropës thuhet se po ndjekin nga afër De Ligt, me Ronaldon që inkurajoi 19-vjeçarin të bashkohet me Juventusin, ndërsa ish-shoku i tij i skuadrës De Jong foli për një lëvizje te Barcelona, transmeton lajmi.net.

Por De Ligt nuk ka marrë ende vendimin dhe planifikon të mos nxitohet, duke i thënë Mundo Deportivos: “Ende nuk e di se çfarë thotë zemra ime, unë kam qenë i përqendruar gjithnjë te Ajax dhe ekipi kombëtar”.

”Tani, në pushimet e mia, do të jem në gjendje të mendoj dhe të vendos se çfarë do të bëj me të ardhmen time”.

”Për mua, gjëja më e rëndësishme është të dijë se në ekipin ku do shkoj unë duhet të kem rëndësi dhe të luaj shumë ndeshje. Nuk e di kur do ta zgjidh, por do ta marrë kohën e nevojshme”, deklaroi kapiteni i Ajax. /Lajmi.net/