Trajneri i Romës, Rudi Garcia ka përjashtuar mundësinë e transferimit të Mehdi Benatias në Manchester United, gjatë këtij afati kalimtar të verës.

Qendërmbrojtësi i Giallorossëve spekulohet se është një prej futbollistëve të kërkuar nga menaxheri i ri i gjigantit anglez, Louis van Gaal.

Mirëpo, Garcia ka insistuar se Benatia ka kontratë afatgjate me Romën dhe nuk ja vlen të spekulohet mbi të ardhmen e tij.

“Mehdi më duket se ka edhe katër vjet kontratë me Romën andaj mjaft”, deklaroi Garcia pas fitores ndaj Eltendorfit në ndeshje miqësore me rezultat të thellë 5:0. 

Roma ka vendosur të shpërblejë Mehdi Benatian.

Qendërmbrojtësi Benatia ka shkëlqyer deri më tani gjatë këtij sezoni, pas transferimit në Stadio Olimpico gjatë verës së vitit të kaluar nga rivali i Serie A, Udinese.

Mirëpo, ai ka zgjuar interesim nga klube të mëdha si Paris Saint-Germain dhe Manchester United.

Mirëpo, sipas të përditshmes sportive italiane Tuttosport, drejtuesit e Romës janë duke bërë gati vazhdimin e kontratës me Benatian.

Aktualisht, ai ka marrëveshje me Romën deri në vitin 2018 me pagë prej 1.6 milionë eurosh në stinor.

Mirëpo, me kontratën e re, përveç kohëzgjatjes së marrëveshjes do të ketë edhe pagë më të mirë.