James Rodriguez ka insistuar se nuk planifikon të largohet nga Monaco, gjatë këtij afati kalimtar të verës.

Ylli i Kolumbisë shkëlqeu gjatë Kampionatit botëror duke realizuar gjashtë gola në pesë ndeshje. Ai u shndërrua në objektiv të Real Madridit dhe Manchester Unitedit.

Por, Rodriguez ka insistuar se nuk mendon të largohet nga Franca. “Do të mbetem në Monaco, është një klub i madh”, deklaroi Rodriguez për “BeIn Sports”.

Edhe pse në të kaluarën ka pranuar se ëndërron të luajë për Real Madridin, Rodriguez duket se ende nuk është i gatshëm t’i bashkohet gjigantit nga Santiago Bernabeu.