Revista People shkruan se 28-vjeçari dhe këngëtarja janë të pandashëm dhe bashkëjetojnë në shtëpinë e yllit të filmave “Twilight”.

“Ai dëshiron të martohet pasi është shumë më i qetë dhe i lumtur. Ata janë të pandashëm. Jetojnë në shtëpinë e tij”, ka thënë një burim, transmeton Top Channel.

Pattinson dhe FKA Twigs filluan lidhjen pas ndarjes së aktorit nga Kristen Stewart, para tre vitesh.

Derisa aktori ka qëndruar i heshtur për jetën e tij private, këngëtarja ka pranuar se e ka të vështirë të përballojë presionin e famës së partnerit, por e duron për të qenë pranë njeriut që dashuron.