Pas pushimit dyjavor të Kombëtareve, elita e futbollit kosovar rikthehet sot me vetëm një ndeshje në program.

Malisheva dhe Ballkani do të hapin javën e 15-të kampionale, me ndeshjen që zhvillohet sot nga ora 13:00, shkruan lajmi.net.

Stadiumi “Liman Gegaj” në Malishevë është vendtakim i dy skuadrave me synime të kundërta.

Ballkani është lider me 32 pikë të grumbulluara dhe synon ta rris diferencën në 10 pikë me ndjekësit, Dritën dhe Llapin.

Ndërkohë, Malisheva zë vendin e katërt me 20 pikë gjithsej./Lajmi.net/